Вебинар  “Рационално емотивна и когнитивно бихејвиорална терапија (РЕ&КБТ) за анксиозни и депресивни состојби кај деца и адолесценти”

Цели на вебинарот:

Учесниците на вебинарот ќе добијат проширени знаења кои ќе им помогнат во полесно идентификување на анксиозните и депресивните состојби во развојните периоди на детство и адолесценција;
Ќе добијат поширока слика за улогата на разни фактори во етиологијата и третирањето на анксиозните и депресивни состојби кај деца и адолесценти;
Ќе се запознаат со разни техники и примери од клиничка пракса кои се применуваат во РЕБТ & КБТ психотерапевтската пракса во работа со деца и адолесценти, како и за апликативните можности во образовната пракса;

Вебинарот е  поделен на три сесии си тоа :

Сесија 1

• Воведниот дел од вебинарот е посветен на теоретската рамка и основните карактеристики на РЕБТ, како една од доминантните во КБТ психотерапиите и нејзината ефикасност при третман на анксиозни и депресивни состојби кај деца и адолесценти. Ќе бидат претставени развојните специфики во периодот на детство и адолесценција и типичните ментални проблеми во овие развојни периоди, со посебен акцент на анксиозните и депресивни растројства според когнитивно бихејвиоралните модели.

Сесија 2

• Во вториот дел од вебинарот од развојно психопатолошка перспектива се зборува за стравовите и анксиозните растројства во развојните периоди на детство и адолесценција. Презентирани се РЕБТ искуства од клиничката пракса со практични совети за родители и наставници.

Сесија 3

• Во текот на третата сесија од вебинарот фокусот е поставен на развојно психопатолошката перспектива на депресивните растројства и суицидот. Презентирани се РЕБТ искуства од клиничката пракса со практични совети за родители и наставници.
  Дискусија и резиме.