Вебинар „Професијата на наставникот – од конструктивизам до форма на уметност„

Овој вебинар има за цел да ја развие свеста за личните и професионалните квалитети и вештини кои се потребни на наставниците. Да го продлабочиме знаењето и ставот кон целите на образованието и професијата на наставникот. Како се реализира наставата и нејзиното содејство на толку многу елементи, вклучувајќи меѓучовечки, интелектуални, физички, духовни и естетски димензии. Како наставата се менува по форма и суштина од час во час, од одделение до одделение. Како некои теории зборуваат за наставата како за наука, која го вклучува изборот на најдобрите начини за пренесување на знаењето и зошто други ја истакнуваат нејзината уметничка страна и ставаат акцент на чувството за настава или стилот на наставата.

Вебинарот ќе биде во времетраење од 3 часа и е поделен на три интерактивни сесии со мали паузи помеѓу сесиитe

Сесија 1

• -Вовед
• -Добредојде, кратко претставување
• -Што се случува со глобалните промени и реформите во образованието?

Сесија 2

• -Наставникот и наставата – од конструктивизам до форма на уметност
• -Која е целта децата да одат на училиште?
• -Што треба да научат учениците и како да се мотивираат?

Сесија 3

• -Мудроста на практиката
• -Чувство за стил