Вебинар “Инклузивно образование за учениците со интелектуална попреченост”

Интелектуалната попреченост претставува најтежок и најгорлив проблем во инклузивното образование не само поради самата тежина и специфичност на проблемот туку и поради неговата се поголема распространетост во образованиот систем како најчеста попреченост воопшто. 

Затоа и целта на оваа обука односно вебинар е наставниците и стручните служби да добијат основни и неопходни информации и инструкции за карактеристиките, едукацијата, индивидуалната работа и третманот на учениците со интелектуална попреченост. Посебен акцент ќе се стави на улогата на наставникот и стручниот тим ( специјалниот едукатор и рахабилитатор, педагог и психолог) во текот на самата едукацијата

Вебинарот е поделен на три сесии и тоа : 

Сесија 1 

• Дефинирање на поимот интелектуална попреченост со фокус на социјалната адаптација. Класификација и распространетост на интелектуалната попреченост. 
• Едукацијата на учениците со интелектуална попреченост во посебните и редовните основни училишта. 

Сесија 2 

• Карактеристики на учениците со интелектуална попреченост со посебен осврт на емоциите, памтењето, мислењето, вниманието, однесувањето, играта и сл. 
• Прилагодување на планот и програмот за работа кон можностите на учениците кои ги имаат потешкотиите врз основа на нивните карактеристики и самата процена од инклузивниот тим. 
• Улога на наставникот, специјалниот едукатор (дефектолог) и стручниот/инклузивен тим во процесот на едукацијата на учениците со интелектуална попреченост. 

Сесија 3 

• Работа со родителите на учениците со интелектуална попреченост 
• Соработка со стручните служби надвор од училиштето. 
• Прашања и дискусија за посочената проблематика. 

Низ вебинарот не води еден од најистакнатите професори од областа на специјална едукација и рехабилитација проф. д-р Горан Ајдински од Институтот за специјална едукација и рехабилитација при Филозофскиот факултет Скопје. 

Прочитај повеќе за обучувачот тука.